Ég les tilkynningarnar frá fyrirtækjunum sjálfum og segi frá því sem ég held að skipti þig máli. Hlekkir eru á upprunann, ef þú vilt lesa meira.
Frá 16. september velur þú ekki lengur hvar þú byrjar verkefni: Claude ákveður sjálft hvað þarf og heldur samhenginu í einu samtali. Með fylgja Claude Docs, skjal sem Claude skrifar með þér og þið ritstýrið bæði. Claude Slides eru glærur sem þú heldur erindi úr beint eða flytur út í PowerPoint eða PDF. Fyrst á Pro og Max, Team og Free fylgja á eftir.
Opus 5.5 kom 22. september og er nú sjálfgefið Opus líkan. Samhengið er 1 milljón tákna, svarið getur orðið 128 þúsund tákn og hugsunin er alltaf á. Anthropic segir það kosta 40% minna í rekstri en Opus 5. Í API kostar það 4 dollara inn og 20 út á hverja milljón tákna og cache lestur fór úr 0,50 í 0,20 dollara, 60% lækkun.
OpenAI kynnti GPT-6 Astra 3. september sem sitt öflugasta líkan fyrir löng verkefni frá upphafi til enda, með áherslu á tölvunotkun, hugbúnaðargerð og rannsóknir. Í boði á Plus, Pro, Business og Enterprise. Pro, Business og Enterprise fá að auki GPT-6 Astra Pro. Í API kostar það 10 dollara inn og 50 út á hverja milljón tákna, fast mode á tvöföldu verði.
OpenAI tilkynnti 11. september að sérsniðin GPT (Custom GPTs) verði aflögð. Notendum er beint yfir í viðbætur (plugins), á öllum áskriftarleiðum.
Frá 11. september er Gemini innfætt forrit fyrir Windows 10 og 11. Það opnast með Alt + bil og er tengt við Workspace og myndgerð.
Claude Fable 5.1 kom út 1. september, skrifar betur, hugsar betur og kostar um 25% minna í dæmigerðri notkun. Anthropic segir líka að Claude neiti sjaldnar að svara þegar spurningin er saklaus, 60% færri rangar hafnanir í netöryggissamhengi.
OpenAI tilkynnti 31. ágúst að auglýsingar í ChatGPT velti nú 1 milljarði dala á ári, innan við 200 dögum eftir að þær byrjuðu. Þær eru merktar og aðskildar frá svörunum, en þú munt sjá þær.
Gemini Live fékk 26. ágúst raddstýrða framleiðni: handfrí pósthólfsstjórnun, Daily Brief sem tekur daginn saman á morgnana, Spark fyrir verkefni í mörgum skrefum og Personal Intelligence sem man eldri samtöl.
Undir Topics í stillingum, frá 25. ágúst, sérð þú hvert minnisatriði fyrir sig, breytir því eða eyðir. Viðkvæm efni eru sjálfgefið munuð hjá Free, Pro og Max en ekki hjá Team og Enterprise.
Frá 28. ágúst getur þú tengt marga Google reikninga við ChatGPT svo það lesi Gmail, dagatal og tengiliði úr þeim öllum í einu.
Frá 25. ágúst breytir Gemini fyrir macOS töluðu máli í fágaðan texta, fjarlægir fylliorðin og setur sniðið sjálfkrafa.
Google Drive skrárnar þínar birtast núna í Library án þess að þú hleður þeim upp aftur, frá 13. ágúst.
Í nýju Projects, kynntu 17. september, skiptir Claude beiðninni þinni upp, keyrir marga þræði samhliða, fer yfir útkomuna og setur hana saman. Samhengið sem byggist upp lifir milli þráða. Í beta hjá völdum Pro og Max notendum, hin geta skráð sig á biðlista.
Frá 23. september eru yfir 2.000 tengingar og viðbætur á einum stað, auk agenta, vara og þjónustuaðila frá samstarfsaðilum. Fyrirtæki geta nýtt hluta af skuldbundnum Anthropic kostnaði í hugbúnað þaðan.
Tvö ný rökhugsunarlíkön komu 22. september, bæði með rúmlega milljón tákna samhengi. Sol kostar 2 dollara inn og 10 út á hverja milljón tákna, Luna 0,10 inn og 0,50 út, um helmingslækkun frá GPT-5.6. Luna er stíluð á mikið magn af einföldum skrifstofuverkum.
Frá 17. september skrifar, styttir og endurorðar ChatGPT beint inni í Microsoft Word, á öllum áskriftarleiðum.
Sjálfvirka valið milli Instant og Thinking hvarf 14. september. Plus og Pro notendur velja líkanið sjálfir.
Frá 8. september eru smáatriðin skarpari og keyrslan hraðari, með sniðmátum og skissu í mynd. Í API heitir það GPT Image 2.5, í útgáfunum Sunburst og Flare, með nýjum xhigh og max gæðastillingum á sama tákngjaldi og GPT Image 2.
Frá 23. september virka viðbætur í raddham á vef, iOS og Android, líka á Free og Go. Sama dag stækkuðu auglýsingar í ChatGPT inn á sjö markaði í Suðaustur-Asíu og Taívan og eru þar með í yfir 60 löndum.
Gemini 3.8 Live, 15. september, skiptir sjálfkrafa milli 97 tungumála í miðju samtali og tekur við mynd í rauntíma. 3.8 Live Extended Thinking vinnur þyngri verk í bakgrunni á meðan samtalið heldur áfram.
Frá 15. september tengist Gemini í Workspace utanaðkomandi verkfærum um Model Context Protocol: Asana, Atlassian Rovo, HubSpot, Mailchimp, QuickBooks, Monday og Salesforce.
Frá 17. september geta skólar og fyrirtæki notað Notebooks í Gemini, vinnusvæði fyrir einbeitta og skipulagða vinnu.
V4.1-Flash leysti V4-Flash af hólmi 10. september. Það er 552 milljarða stika líkan með 8 milljarða virkum, milljón tákna samhengi og innbyggðri myndskynjun. Verðið fer eftir álagstíma: 0,15 dollarar inn og 0,60 út á hverja milljón tákna utan álagstíma, tvöfalt það á álagstíma. Frá 14. september fara V4-Pro beiðnir á V4.1-Flash, á V4.1-Flash verði, þar til V4.1-Pro kemur.
DeepSeek-V4-Pro varð almennt aðgengilegt 13. ágúst í forritinu, á vefnum og gegnum API, með stillanlegri rökhugsun sem birtist sem „Expert Mode“ fyrir venjulega notendur.
Vísindafólk fær 10 þúsund frí eða afsláttarleyfi af Claude Team pakkanum, tilkynnt 27. ágúst, íslenskir rannsakendur ættu að sækja um.
Frá 18. ágúst fá notendur undir 18 námsham, heimanámsáminningar og foreldrastýringar með hljóðlátum stundum og tilkynningum, án þess að nokkur þurfi að stilla það.
GPT-5.6 uppfærslan 6. ágúst gaf áreiðanlegri staðreyndir og stjórn á „thinking effort“, hve mikið módelið hugsar áður en það svarar.
Vafraviðbótin er komin í Edge, Brave, Opera og Vivaldi, með Live rödd á lásskjá iPhone í sömu uppfærslu 31. ágúst.
Þú getur bókað borð beint í ChatGPT gegnum OpenTable, Resy og Yelp, frá 10. ágúst, þó fáir íslenskir staðir séu þar ennþá.
Valfrjáls „Computer History“ á macOS skráir forrita og vefnotkun þína svo ChatGPT geti vísað í hana án skjámynda, kveikt af þér, ekki sjálfgefið.
Gemini 3.5 Transcribe, 26. ágúst, breytir tali í texta á 85 tungumálum og greinir hver talar, kemur í Gboard, Gemini á Mac og Chrome síðar.
Gemini Omni 1.1 Flash, 27. ágúst, býr til myndbönd upp í 40 sekúndur með ódýrum 360p uppköstum áður en þú borgar fyrir 1080p eða 4K.
Tilkynnt 19. ágúst: heilt ár af Google AI pakkanum með nýju námsumhverfi sem býr til námsbækur, flettikort og próf úr efninu þínu.
Það sem hét Claude Code á vefnum varð almennt aðgengilegt 23. september fyrir Pro, Max, Team og Enterprise með premium sæti. Verkefnin keyra í einangruðu umhverfi í skýinu og deila notkunarmörkum með annarri Claude Code notkun.
Á Opus 5.5 er ekki hægt að slökkva á hugsun og tool_choice gildin any og tool skila villu. Fast mode fyrir Opus 5.5 er í rannsóknarforskoðun. Líka nýtt: þjöppun samtala á eftirspurn frá 14. september og verkfæri sem má skilgreina í miðju samtali án þess að rjúfa cache, frá 22. september.
Smart reports, í beta frá 10. september, greina hvernig teymið notar Claude og hvar má bæta verkferla.
Frá 15. september, í beta, tengist Claude Salesforce með tilbúnum söluverkfærum fyrir pípu og spár. Fyrir Enterprise, að fengnu samþykki Salesforce.
Frá 10. september sér Agents API, í opinni beta, um utanumhald agenta og samhengisþjöppun fyrir þig. GPT-Live 1 er komið úr prófun: tvíátta raddsamtal á 0,05 dollara á mínútu, rukkað á sekúndu.
Gemini 3.8 Flash TTS og Flash-Lite TTS, 22. til 23. september: talgervill með yfir 2.000 tilbúnum röddum. Þú getur hannað rödd með venjulegum texta eða afritað rödd út frá 30 sekúndna sýni. Allt er merkt með SynthID vatnsmerki.
Frá 18. september fá aðeins þau sem hafa notað Gemini 2.5 áður aðgang að þeim líkönum. Ný verkefni eiga að nota 3.5 Flash-Lite eða 3.8 Flash.
Enterprise Frontier Safeguards, 1. september: fyrirtæki keyra nýjustu módelin þar sem gögnin liggja í þeirra eigin skýi, misnotkunargreining er sjálfvirk og enginn hjá Anthropic sér gögnin.
Enterprise pakkar skanna nú þriðja aðila færni og viðbætur sjálfkrafa fyrir illgjörnu innihaldi um leið og þær eru settar inn eða þeim breytt, frá 6. ágúst.
Anthropic birti 31. ágúst greinargerð um 3 tilvik í júlí þar sem Claude módel fengu netaðgang sem þau áttu ekki að fá í netöryggisprófunum, með lýsingu á því sem var lagað.
Scheduled tasks geta frá 25. ágúst startað af webhooks úr tengdum forritum, sem þýðir að verk keyrir þegar eitthvað gerist annars staðar. Verkum má líka deila með öðrum.
Frá 25. ágúst vinnur innbyggði vafrinn á síðum sem krefjast innskráningar og klárar verk þar í stað þess að lesa bara.
Heilbrigðisstofnanir geta frá 1. september tengt Epic sjúkraskrár við stýrt vinnusvæði í ChatGPT, bandarískt í fyrstu umferð.
Agentískur myndbandsskilningur, 1. september: módelið flettir myndbandstímalínunni eftir þörf í stað þess að vinna hverja sekúndu jafnt, 88% færri tákn, 66% lægri kostnaður og 7% betri nákvæmni.
Kom 2. september með betri rökhugsun og kóðun en 3.7 Flash, verðið stendur í stað.
Gemini 3.7 Flash varð almennt aðgengilegt 13. ágúst, 3 vikum áður en 3.8 Flash tók við.
Ný verðskrá frá 16. ágúst skiptir í álags og lágálagsverð, með rökhugsun í þremur þrepum, low, high og max.
Ósýnilegt textavatnsmerki kom 14. ágúst vegna evrópskra reglna. Það getur ekki bent á þig eða samtalið þitt og breytir ekki því sem þú sérð. Þú þarft ekkert að gera.
Mythos 5.1 er fyrir netöryggis og lífvísindafólk. Ef þú ert ekki í þeim hópi er það ekki fyrir þig.
3.8 Flash Cyber er netöryggisútgáfa, sama saga og Mythos.
Wix, OpenTable, Ticketmaster og Zocdoc bættust við sem tengd forrit 12. ágúst. Fæst af þessu virkar á Íslandi ennþá.
V4-Flash-Vision-Exp skilur myndir en er aðeins í boði gegnum API. Þú sérð það ekki í forritinu.
ChatGPT getur nú fylgst með lánshæfismatinu þínu í Bandaríkjunum, gegnum Experian. Það er ekki komið hingað og það er í lagi.
Gemini Enterprise bætti við sig tugum gagnatenginga í september, meðal annars CoinDesk, Relativity, Squarespace og Windsor.ai. Fyrir stór fyrirtæki með gagnaver, ekki fyrir þig.
Alibaba kynnti Qwen Intelligence fyrir síma með innbyggðum agentum og Meta bætti myndsímtölum við Muse. Hvorugt er á íslensku og hvorugt fæst hér.
Þetta er fyrsta greinin í röðinni, safnið fyllist mánuð fyrir mánuð og hver mánuður fær sína eigin síðu.
Hér skrifa fyrirtækin sjálf um það sem þau gefa út. Ég les þessar síður í hverjum mánuði, þú getur bókamerkt þær og gert það sama.
Claude er bestur. Þess vegna kenni ég á Claude. Næsta námskeið er 28.–29. september, 79.900 kr., skráning á Tix.